Hopp til hovedmenyen på siden Hopp til hovedinnholdet på siden

Skuvlasáhttu

Jus orut guhkkelis go vissis mearri eret skuvllas, dahje dus lea erenoamáš várálaš dahje váttis skuvlageaidnu, de lea dus riekti oažžut skuvlasáhtu.

Govvádus

Jus orut guhkkelis go vissis mearri eret skuvllas, dahje dus lea erenoamáš várálaš dahje váttis skuvlageaidnu, de lea dus riekti oažžut skuvlasáhtu. Jus leat doaimmashehttejuvvon dahje oanehit áigái roasmmehuvvan dahje buohcci, de lea dus maid riekti oažžut sáhtu skuvlla astoáiggeortnegii ja ruovttoluotta.

Ulbmiljoavku

  • Vuođđoskuvlaoahppit, joatkkaskuvlaoahppit ja priváhta skuvllaid oahppit
  • Doaimmashehttejuvvon oahppit
  • Oahppit geat leat roasmmehuvvan dahje leat buohccit

Kriterat/eavttut

Gaskka gaskal skuvlla ja ruovttu ferte leat eambbogo

  • 2 km vuođđoskuvlla 1. jahkeceahkkái
  • 4 km vuođđoskuvlla 2. gitta 10. Jahkeceahkkái
  • 6 km joatkkaskuvlaohppiide

Gaskka mihtiduvvo uvssas uksii oaneheamos vánddardahtti geainnu mielde dahje vázzin- ja sihkkelastingeainnu mielde. Jus leat vuođđoskuvlaoahppi ja lea erenoamáš várálaš ja váttis skuvlageaidnu, de lea dus riekti oažžut nuvttá skuvlasáhtu man guhkki ihkinassii leaččai mátki gaskkal skuvlla ja ruovttu. Dát maid guoská sidjiide geat leat doaimmashehttejuvvon dahje gaskaboddosaččat roasmmehuvvan dahje buohccit.

Jus váccát priváhta skuvlla, de lea dus riekti skuvlasáhttui dušše dan suohkanráji/fylkkasuohkanráji siskkobealde gos orut.

Bálvalusa haddi

Skuvlasáhttu lea nuvttá.

Lover

Fylkasuohkan/suohkan lea geatnegas doaimmahit dán bálvalusa, gč. oahpahuslága §§ 7-1, 7-2, 7-3 ja 13-4. Geahča maiddái kapihtal 10 oahpahuslága láhkaásahusas.

Forvaltningsloven
Forskrift til opplæringslova
Friskolelova
Opplæringslova

Áššemeannudeapmi

Fylkasuohkan/suohkan galgá viežžat daid dieđuid maid dárbbaha vai sáhttá meannudit ášši. Dasto galgá ášši mearriduvvot. Dábálaččat oaččut ákkastallama aktan mearrádusain. Oaččut álo ákkastallama jus jáhkket ahte it šatta duhtavaš mearrádusain. Jus ákkastallan ii čuovo reivve, sáhtát váldit oktavuođa fylkasuohkaniin/suohkaniin ovdal mearrádusa váidima áigemearri dievvá.

Áššemeannudanáigi

Fylkasohkan/suohkan galgá meannudit ášši nu jođánit go vejolaš. Jus ášši ii sáhte mearriduvvot mánu sisa, de galggat oažžut čálalaččat dieđihuvvot mii dasa lea sivvan. Galggat seammás oažžut dieđu goas jáhkket ahte ášši mearriduvvo.

Váidalanvejolašvuohta

Jus it leat duhtavaš mearrádusain, sáhtát váidit áigemeari siskkobealde, mii lea golbma vahku dan rájes go ožžot dieđu. Čilge mainna leat duhtatmeahttun ja manne oaivvildat ahte mearrádusa ferte rievdadit. Jus dárbbahat bagadallama, sáhtát váldit oktavuođa fylkasuohkaniin/suohkaniin. Jus fylkasuohkan/suohkan doalaha mearrádusas, de sáddejuvvo ášši viidáset fylkkamánnii (guoská vuođđoskuvlaohppiide) ja fylkasuohkana váiddalávdegoddái (guoská joatkkaskuvlaohppiide), guhte de mearrida galgá go váidda váldojuvvot vuhtii.

Tjenesten oppdatert: 11.05.2020 12:27