Hopp til hovedmenyen på siden Hopp til hovedinnholdet på siden

Skuvlii álgin

Dábálaččamus lea ahte mánná álgá skuvlii dan jagi go deavdá guhtta jagi. Sáhtát bivdit ahte mánná maŋida dahje álgá árabut skuvlii.

Govvádus

Dábálaččamus lea ahte mánná álgá skuvlii dan jagi go deavdá guhtta jagi. Sáhtát bivdit ahte mánná maŋida dahje álgá árabut skuvlii. Jus maŋida álgima de mearkkaša dan ahte mánná álgá skuvlii easka go dan jagi go deavdá čieža jagi. Árabut álgin vuođđoskuvlii mearkkaša ahte mánná álgá skuvlii dan jagi go deavdá 5 jagi.
Skuvla/suohkan sádde reivve váhnemiidda geain lea mánná dan agis ahte galgá álgit skuvlii. Reivves čuožžu gosa galgabehtet boahtit ja goas.

Ulbmiljoavku

Váhnemat geain lea skuvlaagis mánát.

Kriterat/eavttut

Ohppiin lea riekti beassat maŋidit skuvlaálgima jus pedagogalaš-psykologalaš áššedovdiid árvvoštallamis eahpidit ahte mánná lea doarvái láddan álgit skuvlii.
Jus áigu máná bidjat árabut skuvlii de ferte mánná deavdán vihtta jagi ovdal cuoŋománu 1.b. Ferte čuovvut Pedagogalaš-psykologalaš bálvalusa áššedovdiid árvvoštallama.

Mildosat

Áššedovdi cealkámuš.

Áššemeannudeapmi

Suohkan galgá háhkat daid dieđuid maid dárbbašit vai sáhttet meannudit ášši. Dasto dahkko mearrádus. Dábálaččat oaččut ákkastallama mearrádusa mielde. Oaččut álo ákkastallama jus sáhttá jurddahit ahte it šatta duhtavaš mearrádusain. Jus ákkastallan ii čuovo mielde de sáhtát dan oažžut go válddát oktavuođa suohkaniin ovdal áigemearri dievvá.

Áššemeannudanáigi

Suohkan galgá meannudit ášši nu jođánit go vejolaš. Jus ášši ii sáhte meannuduvvot mánu sisa, de galggat oažžut čálalaš dieđu dan birra oktan ákkain manne lea maŋiduvvon. Galgá seammás dieđihuvvot goas jáhkket ášši mearriduvvot.

Váidalanvejolašvuohta

Jus it leat duhtavaš mearrádusain, sáhtát váidit suohkanii áigemeari siskkobealde, mii lea golbma vahku dan rájes go ožžot reivve. Čilge mainna leat duhtatmeahttun ja manne oaivvildat ahte mearrádusa ferte rievdadit. Jus dárbbahat bagadallama, de váldde suohkaniin oktavuođa. Jus suohkan doalaha mearrádusas, de sáddejuvvo ášši viidáset fylkkamánnii, guhte dasto mearrida galgágo váidda váldot vuhtii.

Tjenesten oppdatert: 24.05.2017 15:36