Hopp til hovedmenyen på siden Hopp til hovedinnholdet på siden

Vuođđoskuvlaoahpahus rávisolbmuide

Don gii leat meaddel skuvlaagi ja dárbbahivččet vuođđoskuvlaoahpahusa, dus lea riekti dakkár oahpahussii ja sáhtát ohcat dan.

Govvádus

Don gii leat meaddel skuvlaagi ja dárbbahivččet vuođđoskuvlaoahpahusa, dus lea riekti dakkár oahpahussii ja sáhtát ohcat dan. Oahpahus guoská dábálaččat daidda fágaide maid dárbbahat vai oažžut loahppaduođaštusa das ahte leat čađahan vuođđoskuvlla rávisolbmuide. Oahpahus galgá heivehuvvot du dárbbuide. Dat guoská sihke viidodahkii, man guhká bistá ja oahpahusáiggiide. Rávisolbmot eai galgga biddjot dábálaš skuvlaluohkkái gos leat mánát ja nuorat.

Bálvalusa haddi

Oahpahus ja oahpponeavvut leat nuvttá.

Gihppagat, áššebáhpárat, kárttat ja eará

Áššemeannudanáigi

Suohkan galgá meannudit ášši jođáneamos lági mielde. Jus ášši eai sáhte meannudit mánu sisa, de galggat oažžut čálalaš čilgehusa dasa. Seammás galgá dutnje dieđihuvvot goas vurdo ášši mearriduvvot.

Vaikko juohkehaččas leage oktagaslaš riekti oahpahussii, de ferte suohkan oažžut doarvái áiggi ráhkkanit dán fálaldahkii. Dat mearkkaša ahte ohcci ferte dohkkehit ahte lea veahá vuordináigi ovdal oahppofálaldat lea sajis.

Váidalanvejolašvuohta

Jus it leat duhtavaš mearrádusain, de sáhtát váidit suohkanii golmma vahku sisa dan rájes go ožžot mearrádusa. Čilge mainna it leat duhtavaš ja manne oaivvildat ahte mearrádusa ferte rievdadit. Jus dárbbahat bagadallama, sáhtát váldit oktavuođa suohkaniin. Jus suohkan doalaha mearrádusas, de sáddejuvvo ášši viidáset fylkkamánnii, guhte mearrida galgá go váidda vuhtiiváldojuvvot.

Tjenesten oppdatert: 04.05.2020 15:59